மகாத்மாவுக்காக நாம் இன்னும் காத்திருக்கிறோமோ

பேராசிரியர் பெ. விஜயகுமார் ;

இந்தியர்களின் ஆங்கிலப் படைப்புகள் கடந்த இரு நூற்றாண்டுகளாக உலக இலக்கியத்தில் தனிச்சிறப்புடன் திகழ்கின்றன. அவ்வகை இலக்கியத்தில் முக்கியமான எழுத்தாளராக விளங்குபவர் ஆர்.கே. நாராயண். 1907இல் சென்னையில் பிறந்து மைசூரில் வாழ்ந்த இவர், இந்திய வாழ்க்கை முறையையும் மனிதர்களின் இயல்புகளையும் எளிமையான, நகைச்சுவை கலந்த நடையில் தனது படைப்புகளில் பதிவு செய்தார். உலகின் பல மொழிகளில் இவரது படைப்புகள் மொழிபெயர்க்கப்பட்டுள்ளன. ‘சுவாமி அன் ஃப்ரெண்ட்ஸ்’ இவரது முதல் நாவல். தொடர்ந்து ‘பேச்சிலர் ஆஃப் ஆர்ட்ஸ்’, ‘தி டார்க் ரூம்’, ‘தி இங்கிலீஷ் டீச்சர்’, ‘மிஸ்டர் சம்பத்’, ‘தி கைடு’ உள்ளிட்ட பல நாவல்களையும் ஏராளமான சிறுகதைகளையும் எழுதியுள்ளார்.;