அவியலில் இருக்கிறது ஆரோக்கியம்
எழுத்தாளர் தீபா நாகராணி;
கன்னியாகுமரி மாவட்டத்தின் பாரம்பரிய கூட்டு வகையான அவியலைப் பற்றி காண்போம். மகாபாரதத்தில் பீமனால் கண்டுபிடிக்கப்பட்டதாகவும், திருவிதாங்கூர் மன்னர் சொல்லக் கேட்டு உருவானதாகவும் உலவுகிற கதைகள் அவியலுக்கு ராஜ அந்தஸ்து கொடுக்கின்றன. சத்துகள் நிறைந்த உணவானது சுவை மிகுந்தும் இருப்பது அரிதாகவே உணவில் நிகழும். பல்வேறு நாட்டுக் காய்கறிகளின் சங்கமத்தில் தயாராகும் அவியல் காரம் குறைவாக எல்லா வயதினருக்கு ஏற்ற வகையில் இருக்கும். இதை வாசிக்கும் போதே அவியலின் தனித்துவமான மணம் நினைவில் சப்புக் கொட்ட வைக்கிறது..;
