முத்திரை பதிக்கும் சித்திரை
சண்முக. ஞானசம்பந்தன் மதுரை வானொலி (பணி நிறைவு - மதுரை வானொலி);
காலங்கள் நான்கு; ரசங்கள் எட்டு என்பதுவே தமிழர் பண்பாடாகும். பின்னாளில் வடவர்களுடனான தொடர்பில் காலங்கள் ஆறாகவும் ரசங்கள் ஒன்பதாகவும் மாறின. நான்கு காலங்கள் என்பவை முறையே கோடை, வசந்தம், கார் மற்றும் பனிக் காலம் என்பவையே ஆகும். பல்லாயிரம் ஆண்டுகளுக்கு முன்பு கிரேக்கர்கள் Spring எனப்படும் வசந்த காலத்தைத் தான் புத்தாண்டுத் தொடக்கமாகக் கருதினர். கிரேக்க ரோமானிய நாகரிகங்களில், மார்ச் மாதம் முதல் நாளன்று வசந்த காலம் தொடங்குவதன் அறிகுறியாக ஒருவர் மேல் ஒருவர் சாய நீரைத் தெளித்துக் கொண்டும் குறும்புகள் செய்தும் சிரித்து விளையாடியும் மகிழ்வர். ;
