கொடிநாள் சிந்தனை...
சி. இராமலட்சுமி உதவி இயக்குநர் (பணிநிறைவு) முன்னாள் படைவீரர் நலத்துறை;
ஒவ்வொரு நாட்டிற்கும், அதன் அடையாளமாகக் கருதப் பெரிதும் உதவுவது, அந்நாட்டின் தேசியக் கொடியாகும். தேசியக் கொடியானது, அந்நாட்டின் சுதந்திரம், ஒற்றுமை, ஜனநாயகம் ஆகியவற்றைப் பிரதிபலிப்பதாய் அமையும். மக்களுக்குத் தேசத்தின் மதிப்பையும் பெருமிதத்தையும் நினைவூட்டுவதாய் அந்நாட்டின் கொடி அமைகிறது. 1777ஆம் ஆண்டு அமெரிக்கப் புரட்சியின் போது இரண்டாம் காண்டினெண்டல் காங்கிரஸ் மாநாட்டில் முதல் தேசியக்கொடி வடிவமைக்கப்பட்டது. அதுவே கோடுகளும், நட்சத்திரங்களும் உள்ள கொடி பிறந்த கதை. அன்றையதினம் நாட்டிற்காகத் தியாகம் புரிந்த வீரர்களுக்கு மரியாதை செலுத்தவும், தேசத்தின் பாதுகாப்பில் இராணுவத்தின் திறமையையும் நினைவுபடுத்துவதாகவும் அமைந்தது.;
