குழந்தைகள் வாசிப்பதற்கு இங்கு வரலாம்...
சு. பரமேஸ்வரி வாசிப்பு இயக்க செயல்பாட்டாளர். ;
புத்தகம் என்றவுடன் நினைவுக்கு வருவது எது? ஒரு சிலருக்கு புதிய புத்தகத்தில் இருந்து வரும் வாசம்! ஒரு சிலருக்கு சூடான தேநீர்! ஒரு சிலருக்கு மழை! ஆனால் எனக்கு என் சிறுவயது நினைவுகள் வரும். யாரும் சிறுவயதில் எனக்குப் புத்தகங்களை அறிமுகப் படுத்தவில்லை, நானே புத்தகங்களுடன் சிநேகம் ஆகிகொண்டேன்! வீட்டில் அம்மா, அப்பா, எனது பெரிய மாமா, சின்ன மாமா அனைவரும் புத்தகப் பிரியர்கள்! கல்கி, குமுதம், ஆனந்த விகடன், ராணி என்று வார இதழ்கள் அனைத்தும் வாங்கி விடுவார்கள். எனவே அந்தச் சின்ன வயதில் என்னைச் சுற்றி என் வீட்டில் புத்தகங்கள் இருந்தன! அந்தப் புத்தகங்களின் அட்டை படங்கள் மற்றும் புத்தகங்களில் உள்ள படங்களுக்காகவும் அதைப் பார்க்க ஆரம்பித்தேன்! பிறகு சிறு சிறு துணுக்குகள், கதைகள் என்று கொஞ்சம் கொஞ்சமாகப் புத்தகங்கள் வாசிக்கும் பழக்கம் எனக்கு ஏற்பட்டது! இதற்கு முக்கியக் காரணம் எனது பெற்றோர்!;
