உழைப்பின் உன்னதத்தைப் போற்றும் நாள்
எம்.ஜெ. பிரபாகர், எழுத்தாளர் ;
ஒவ்வொரு ஆண்டும் மே 1ஆம் தேதியை சர்வதேச தொழிலாளர் தினமாக (International Workers Day) உலகளவில் கொண்டாடி வருகிறோம். உழைப்பவரே உயர்ந்தவர் என்ற தாரக மந்திரத்திற்கு உயிர் கொடுக்கும் நாளாக மே மாதம் முதல் தேதி அமைகிறது. 1967ஆம் ஆண்டு தமிழக அரசு முதன்முதலாக மே ஒன்றாம் தேதியை தொழிலாளர் தினம் என அறிவித்து பொது விடுமுறையும் வழங்கியது. மே தினத்தின் வரலாறு 19ஆம் நூற்றாண்டின் தொடக்கத்தில், தொழிலாளர்கள் ஒரு நாளைக்கு 12 முதல் 16 மணிநேரம் வரை மிகக் குறைந்த ஊதியத்திற்கு அடிமைகள் போல வேலை வாங்கப்பட்டனர். இந்தச் சுரண்டலுக்கு எதிராக அமெரிக்காவின் சிகாகோ நகரில் 1886ஆம் ஆண்டு மே 1ஆம் தேதி தொழிலாளர்கள் கிளர்ந்தெழுந்தனர். இந்தப் போராட்டத்தில் 8 மணிநேர வேலை, 8 மணிநேரம் ஓய்வு, 8 மணிநேரம் உறக்கம். என்பதுதான் பிரதான கோரிக்கையாக முன் வைத்தனர்;
