உடல் நலத்துக்கான கோடை கால உணவுகள்
ஆர். பாக்கியம் குழந்தை வளர்ச்சித் திட்ட அலுவலர் (பணி நிறைவு) சமூக நலத்துறை;
கோடை வெய்யிலின் தாக்கம் ஆரம்பித்துவிட்டது. ஒவ்வொரு ஆண்டும் இந்தமுறை எப்படி இருக்குமோ என்ற பீதி நம் மனதில் ஏற்படுவது வழக்கம். இந்த ஆண்டும் அந்த எண்ணம் ஏற்பட்டிருக்கிறது. அதிக வெப்பம் காரணமாக நீரிழப்பு, வெப்ப சோர்வு, வெப்ப பக்கவாதம் போன்ற பாதிப்புகள் வரலாம். அதிக வியர்வை காரணமாக உடலில் நீர்ச்சத்து குறைந்து மயக்கம், தலைச்சுற்றுதல் போன்றவை நீரிழப்பின் அடையாளம். உடல் வெப்பத்தை வெளியேற்ற முடியாமல் போன போது, வியர்வை, தலைச்சுற்றுதல், குமட்டல், தலைவலி, பலவீனம் போன்றவை வெப்ப சோர்வின் அறிகுறிகள். உடல் வெப்பம் மிகவும் அதிகமாகி, உறுப்புகள் செயலிழக்கும் நிலை ஏற்படும். இது உயிருக்கு ஆபத்தான ஒரு நிலை இது வெப்ப பக்கவாதம் எனப்படும். ;
