இசை என்ன செய்யும்
பெருமாள் மைந்தன்;
இசை குறித்து பல்வேறு செய்திகள் நான் அறிந்திருந்தாலும் அண்மையில் வாசித்த ஒரு செய்தி என்னை ஈர்த்தது. இசை என்ன செய்யும் என்ற கேள்விக்கு அதில் பதிலிருந்தது. கயானாவின் டெமராரா ஆற்றங்கரை ஓரம் கரும்புத் தோட்டங்கள் பரந்து விரிந்துகிடந்தன. அவற்றில் காலை முதல் சூரியன் அஸ்தமிக்கும் வரை ஆப்ரிக்க, இந்தியத் தொழிலாளர்கள் வேலை செய்துவந்தனர். அதில் ஒரு தோட்டத்தில் வேலை செய்தவர் ‘கோஃபி. ஆப்ரிக்க வம்சாவளியைச் சேர்ந்தவர். கரும்புகளை வெட்டி வெட்டி அவர் கைகளில் தழும்புகள் ஏறியிருந்தன. கரும்புத் தோகைகள் அவ்வப்போது கைகளைப் பதம்பார்க்கும். அவர் முகம் சுளிக்கமாட்டார். எப்போதும் அவர் இடுப்பில் காய்ந்த சுரைக்காய் குடுவையில் செய்யப்பட்ட இசைக் கருவி தொங்கிக்கொண்டிருக்கும். ;
