தூய்மையற்ற குளத்தில் குளிப்பதால் ஆபத்து.. மூளையைத் தின்னும் அமீபா
Dr.அ.ப.ஃபரூக் அப்துல்லா பொது நல மருத்துவர், சிவகங்கை;
மூளைக்காய்ச்சலுக்கு காரணமாக இருப்பது நிக்லேரியா ஃபவுலேரி (Naeglaria Floweri) எனும் ஒரு செல் உயிரி. அமீபா என்று உயிரியலில் படித்திருப்போம் தானே..? அந்த வகையைச் சேர்ந்த பாக்டீரியாக்களை உணவாக உட்கொள்ளும் ஒரு செல் உயிரி இது. இந்த நிக்லேரியா - அசுத்தமான குளம் , குட்டை , முறையாக க்ளோரினேற்றம் செய்யப்படாத நீச்சல் குளங்கள் போன்றவற்றில் காணப்படும். குறிப்பாக குளிர்ச்சியான நீரை விடவும் வெப்பமான வெதுவெதுப்பான நீரில் வாழும் தன்மை கொண்டவை. இந்த அமீபாக்கள் தேங்கியிருக்கும் நீரின் கீழ்ப்பகுதியில் இருக்கும் சேறு சகதியில் வாழும். நாம் அந்த நீரில் குளிக்கும் போது நீர் கலங்கும். நீர் கலக்கும் போது மேலே எழும்பி நீரின் மேல் கலந்திருக்கும். இத்தகைய அமீபாக்கள் வாழும் நீரில் குளிக்கும் போது மூக்குக்குள் நீர் புகும் வாய்ப்பு ஏற்படும். ;
