அழகர் சித்திரைத் திருவிழாவின் பாரம்பரிய கிராமங்கள்
கே.பி. பாரதி மேம்பாட்டுக்கான சுற்றுலா ஆர்வலர்;
திருவிழாக்கள் நமது பண்பாட்டைக் காக்க, சமூகத்தை ஒருங்கிணைக்க பெரும் பங்காற்றுகின்றன. இத்தகைய திருவிழாக்களில் மதுரைக்கு வரும் அழகரின் சித்திரைத் திருவிழா சமய சமூக ஒருமைப்பாட்டை எடுத்துரைக்கும் பெருந்திருவிழா. மாசி மாதத்தில் நடந்த மீனாட்சி சுந்தரேசுவரர் திருக்கல்யாணத்தையும், சித்திரை மாதத்தில் தேனூருக்கு அருகில் வைகையாற்றில் இறங்கிக் கொண்டிருந்த அழகர் திருவிழாவையும் ஒருங்கிணைந்த பெருமை மன்னர் திருமலை நாயக்கரையே சேரும். சைவ, வைணவ ஒற்றுமையை மேம்படுத்தவும், நிர்வாக வசதிக்காகவும் இத்திருவிழாவை ஒருங்கிணைத்தாக கருதுகின்றனர். ;
