ஆசிரியர் ப.திருமலை, பட்டறிவுப்பதிப்பகம்;

இந்தியா திருவிழாக்களின் தேசம். அரசியல் திருவிழாக்களுக்கும் இங்கு பஞ்சமில்லை. திருவிழாக்கள் என்கிறபோது கூட்டமும், மகிழ்ச்சியும் தவிர்க்கமுடியாதது. சில வேளைகளில் கூட்டம் கட்டுக்கடங்காமல் போய் நெரிசல் ஏற்பட்டு உயிரிழப்புக்கு வழிவகுக்கிறது. மெல்போர்ன் பல்கலைக்கழகத்தின் பிரபல ஆராய்ச்சியாளரான பேராசிரியர் ரோஜர் ஹியூஸின் கூற்றுப்படி ஆண்டுதோறும் கட்டுப்பாடற்ற கூட்டத்தின் விளைவாக 2,000 இறப்புகள் நிகழ்கின்றன. இந்தியாவில் 1996 - 2022க்கு இடைப்பட்ட ஆண்டுகளில் 3,935 கூட்ட நெரிசல் சம்பவங்கள் பதிவாகியுள்ளன, இதன் விளைவாக 3,000க்கும் மேற்பட்டோர் உயிரிழந்துள்ளனர் என்பதைத் தேசிய குற்ற ஆவணக் காப்பகத்தின் தரவுகள் வெளிப்படுத்துகின்றன. கட்டுக்கடங்காத கூட்டம், கூட்டத்தை எதிர்கொள்வதற்கேற்ற இடம் இல்லாமை, அவசரகால வெளியேற்றங்கள் மற்றும் வழிகாட்ட போதிய பணியாளர்கள் இல்லாதது, பலவீனமான கண்காணிப்பு ஏற்பாடுகள் உள்ளிட்ட திறமையற்ற கூட்ட ஏற்பாடுகள் போன்றவையே நெரிசல் கால மரணங்களுக்குக் காரணமாக அமைகின்றன.;