பூனைத்தவம்
எழுத்தாளர் விஜயானந்த லட்சுமி, சென்னை.;
என்னடி கொழந்தே! என்ன யாருன்னு அடையாளம் தெரியுதா? ரயில்வே நடை மேடையில் கூடவே நடந்தபடி கேட்கும் அந்த வயதான அம்மாவை ராதிகா சின்னமனூர் வீட்டில் பார்த்தது. ஓ தெரியுதுங்க பாட்டி நீண்ட ஒற்றை நாடியும் வலதுபுறம் ஒரு பெரிய மருவும் அதன் மீது நரைத்த முடி ஒன்றும் அப்படியே நிமிர்ந்து பார்த்தால் மூக்குக்குக் கீழ் லேசாகப் பூனை மீசையும் உள்ள இந்த ரெங்கு பாட்டியை மறக்க முடியுமா? இப்போது தோல் கத்திரி வத்தல்போலச் சுருங்கி இருக்கிறது. ரெங்கா மாமின்னு அம்மா சொல்லிட்டே இருப்பாங்க பாட்டி என்றாள் ராதிகா. பாட்டி பூரித்துப்போனது. ;
