அப்பாவின் அலமாரி.
வழக்கறிஞர் திருநாவுக்கரசு;
ஐந்து பிள்ளைகள் பெற்று ஓடியாடி சம்பாதித்து, பிள்ளைகளுக்குத் திருமணம் செய்து வைத்து, 5 பேரன்கள், 3 பேத்திகள், ஒரு கொள்ளுப்பேத்தியையும் பார்த்துவிட்டார் முகுந்தன். வயது எண்பதைத் தொட்டிருந்தது. ஒரு நிறுவனத்தில் மேலாளராகப் பணியாற்றி ஓய்வு பெற்றவர். கடைசி மகன் கொஞ்சம் சுதாரிப்பு இல்லாதவர். அவனுடன் இருந்தால்தான் அவனை சரியாக வழிநடத்தமுடியும் என்பதால் கடைசி மகன் வீட்டில் தஞ்சமடைந்தார் முகுந்தன். அவருக்கெனத் தனி அறை. அதில் இரண்டு கட்டில்கள் ஒன்றில் அவர், மற்றொன்றில் அவரது மனைவி சுசிலா. அறையில் ஒரு கேபிள் இணைப்புடன் சின்ன டி.வி. இருந்தது. எப்போதாவது அதன் சத்தம் அவருக்குத் தேவைப்படும்.;
