டாலர் உலகம்
கோ. ஏகாம்பரம் அரசு அதிகாரி (பணி நிறைவு);
இன்றைக்கும் சில கணக்கீடுகள் அமெரிக்க டாலர் மதிப்பீட்டிலே சொல்லப்படுகின்றன. அமெரிக்க டாலர் என்பது அந்நாட்டின் தேசிய நாணயம் என்பதை விட உலக நாடுகளின் மத்திய வங்கிகளால், இருப்பு வைக்கப்படும் கரன்சியாக டாலர் மாறிவிட்டது. ஒரு நாட்டுக்கும், மற்றொரு நாட்டுக்கும் இடையே எல்லை கடந்த வர்த்தகம் பெரும்பாலும் டாலரில் நடக்கிறது, அமெரிக்கா சுதந்திரம் அடைந்தபின் 1792ஆம் ஆண்டு நாணயச் சட்டம் இயற்றப்பட்டு, அமெரிக்க டாலர் அதிகாரபூர்வ கரன்சியாக அறிவிக்கப்பட்டது. ஆனால், இந்தச் சட்டம் இயற்றப்பட்டு நீண்டகாலம் அமெரிக்க டாலருக்கு அப்படி ஒன்றும் செல்வாக்கு இல்லை. அந்தக் காலகட்டத்தில் உலகளவில் ஏற்றுக்கொள்ளப்பட்ட கரன்சியாக பிரிட்டனின் பவுண்ட் ஸ்டெர்லிங் இருந்தது. இது பிரிட்டனின் ஏகாதிபத்தியத்தையும், வர்த்தகத்தின் சக்தியையும் வெளிப்படுத்தியது.;
