தேசத்தின் மாண்பினைக் காப்பவர்கள்

சி.இராமலட்சுமி உதவி இயக்குநர் (பணிநிறைவு) முன்னாள் படைவீரர்கள் நலன் ;

நாம் நிம்மதியாக வாழ்வதற்காக, தங்கள் வாழ்க்கையைத் தியாகம் செய்வதற்குக்கூட தயாராக இருப்பவர்கள் நம் நாட்டின் முப்படையினர் (தரைப்படை, விமானப்படை, கடற்படை). தேசத்தின் ஒருபிடி மண்ணைக்கூட மற்றவர்கள் ஆக்கிரமிக்க அனுமதிக்காதவர்கள். மண்மீட்கும் போரில் மரணத்தைத் தழுவக்கூட சித்தமாக இருப்பவர்கள். அவர்கள் இந்த தேசத்தின் பாதுகாப்பு மற்றும் ஒருமைப்பாட்டின் சின்னம். தேசத்தின் மீதான அவர்களின் தளராத விசுவாசமும், கடமையில் நேர்மையான பக்தியும் இந்தியாவை வலுவான தேசமாக மாற்றியுள்ளது. வெளி ஆக்கிரமிப்பு, உள்நாட்டுக் குழப்பங்கள், இயற்கை சீற்றம் போன்றவற்றை எதிர்கொண்டு தேசத்தின் நலன்களைப் பாதுகாப்பதில் அவர்கள் ஆற்றிய தியாகம் அளப்பரியது. அத்தகைய முப்படையினர் மீது கரிசனம் கொள்வது அவசியம். அவர்களின் தியாகத்தையும் தன்னலம் கருதாது ஆற்றுகின்ற பணியினையும் நாட்டில் எவ்வளவு பேர் நினைவுகூர்கிறார்கள் எனத் தெரியவில்லை.;