சங்க இலக்கியம் கூறும் காதல்
சண்முக. ஞானசம்பந்தன் (பணி நிறைவு - மதுரை வானொலி);
எல்லா உயிர்க்கும் இன்பம் என்பது தானமர்ந்து வரூஉம் மேவற்றாகும்” (தொல்.1164) சங்க கால காதல் இலக்கியங்களுக்கு ஆழமான ஒரு வரையறையும் விதிகளும் உண்டு. அந்த வரையறை உடைபட்டால் அது காதல் இலக்கியமாக ஏற்றுக் கொள்ளப்பட மாட்டாது. எட்டுத்தொகை நூல்களில் ஆறு நூல்கள் காதல் உணர்வுகளை கூறும் அக இலக்கியங்களே ஆகும். அதிலும் காதல் பிரிவு பற்றிப் பாடியவையே சங்க காலத்தில் அதிகமாகக் காணப்படுகின்றன. நாம் காண இருக்கும் ஐந்து பாடல்களும் குறுந்தொகையின் 401 காதல் கவிதைகளின் குறிஞ்சி, முல்லை, மருதம், நெய்தல், பாலை என்று திணைக்கு ஒன்றாகத் தேர்ந்த பாடல்கள் ஆகும். ;
