வாய்ப்பிருக்கிறது.. வாருங்கள் இளைஞர்களே!

ஜி. ராஜமூர்த்தி துணைத் தலைவர் தமிழ்நாடு தொழில் மேம்பாட்டு நிறுவனம் தொழில் ஆலோசகர் ;

இந்தியா போன்ற வளரும் தேசங்களில் தொழில் முனைவு மேம்பாடு என்பது பொருளாதாரத்திலும், சமூக ஏற்றத்தாழ்வுகளைக் களைவதிலும் மிகப் பெரிய பங்களிப்பை தரக்கூடியது. உலகிலேயே அதிக அளவில் இளைய சமுதாயத்தைக் கொண்டுள்ள இந்தியாவில், தொழில்முனைவு குறித்த ஆர்வத்தையும், வாய்ப்புகளையும் பற்றிய தகவல்களை இளைஞர்களிடம் கொண்டு செல்ல வேண்டிய பெரிய பொறுப்பு ஊடகங்கள் உள்ளிட்ட அனைவருக்கும் உள்ளது. இன்று நம் நாட்டில் உள்ள பெரும்பான்மையான கல்லூரி மற்றும் பல்கலைக்கழகங்களில் பயிலும் மாணவர்களின் மனநிலை எவ்வாறு உள்ளது ? அவர்களது விருப்பம் என்ன? அவர்கள் வேலைபார்ப்பவராக அல்லாமல் வேலை அளிப்பவராக மாறுவதற்குத் திட்டமிடுவோமா? ;