மொழி அல்ல வாழ்க்கை
தமிழ்ச்செம்மல் கவிஞர் இரா.இரவி;
ஐக்கிய நாடுகள் சபையின் கல்வி, அறிவியல் மற்றும் கலாச்சார அமைப்பு (யுனெஸ்கோ) பிப்ரவரி 21ஆம் நாளை உலக தாய்மொழி தினமாக கடைப்பிடிக்கிறது. தாய்மொழியில் கற்பது அடிப்படை உரிமை. அனைவரும் தாய்மொழியில் கல்வி கற்பதை உறுதி செய்ய வேண்டும். தாய்மொழி சிந்தனையின் அடித்தளம் என்றவர் காந்திஜி.“ தாய்மொழி வழியாகக் கல்வி பெறாதவன் முழுமையான அறிவை அடைய முடியாது.” என்றார். மனிதன் இயல்பாகச் சிந்திப்பது தாய்மொழியில்தான்; அதுவே அறிவு வளர்ச்சிக்குச் சரியான பாதை என்று காந்திஜி வலியுறுத்தினார். “கல்வி தாய்மொழியில் வழங்கப்பட வேண்டும்; அப்போதுதான் அது மாணவர்களின் மனதில் ஆழமாகப் பதியும்.” வெளிமொழி வழிக் கல்வி குழந்தைகளுக்கு சுமையாக மாறும்; தாய்மொழி வழிக் கல்வி அவர்களை சுயமாகவும் உறுதியாகவும் உருவாக்கும் என்றார். ;
