நோட்டம் விடுங்க...
எழுத்தாளர் அநுத்தமா சீனிவாசன்;
தமிழ் மொழியில் ஓர் ஒற்றை எழுத்தும் கூடப் பலவிதமான பொருள்களைத் தரும். நோ என்ற எழுத்தும் அப்படித்தான். சிதைவு, துன்பம், பலவீனம், துக்கம், நோய் என்பது போன்ற எதிர்மறைப் பண்புகள் கொண்ட பொருளில் வரும். நோக்காடு என்னும் சொல்லும் நோயைத்தான் பேசும். ‘அவனுக்கென்ன நோக்காடாம்? இன்னும் ஏன் வேலைக்கு வரல?” என்று கிராமத்தில் வசவு பேசும் பெருசுகளைப் பார்த்திருக்கிறோம். நோக்குதல் என்றால் எல்லோருக்கும் தெரியும். அதென்ன நோக்கு வித்தை? கண்கட்டு வித்தை என்பார்களே அதுதான் இந்த நோக்கு வித்தை. கண் முன்னால் ஒரு பொருளை வைத்துவிட்டு ஓயாத வாய் ஜாலப் பேச்சால் நம்மை திசை திருப்பி அப்பொருளை வேறு ஒன்றாகக் காட்டு மாயாஜாலக்காரர்களை தெருவில் அங்கங்கே பார்க்குகிறோம் இல்லையா? ;
