கவலைக்குரியதான கட்டடத் தொழிலாளர்கள் வாழ்க்கை
பேராசிரியர் பெ.விஜயகுமார்.;
இலக்கிய வகைமைகளில் நாவல் தனித்துவமானது. காவியத்தின் இன்றைய வடிவம் என்று அழைக்கப்பட்டாலும் காவியத்தில் இருக்கும் போதாமையையும் நீக்கி உன்னதமான இலக்கிய வடிவமாக நாவல் உருக்கொண்டுள்ளது. 1876இல் மாயூரம் வேதநாயகம் பிள்ளை எழுதிய தமிழின் முதல் நாவலான ’பிரதாப முதலியார் சரித்திரம்’ தொடங்கி இன்றுவரை தமிழ் நாவல் இலக்கியம் பெரும் வளர்ச்சி பெற்று வருகிறது. காவல்துறை அதிகாரியாகப் பணியாற்றிய திலகவதி தமிழ் இலக்கிய உலகுக்கு அளித்துள்ள கொடை ஏராளம். நாவல்கள், சிறுகதைகள், கட்டுரைகள் என்று எழுதிக் குவித்துள்ளார். 2001இல் வெளிவந்த ’கல்மரம்’ நாவல் சாகித்ய அகாதமி விருது பெற்றது. தமிழக அரசின் சிறந்த மொழிபெயர்ப்பாளருக்கான விருதையும் திலகவதி பெற்றுள்ளார்.;
