போரும் குழந்தைகளும்..
ஜி. இராமமூர்த்தி தேர்வு நிலைக் கல்லூரி நூலகர் (பணிநிறைவு) சமூகச் செயல்பாட்டாளர்;
போர் என்பது பன்னாட்டுத் தொடர்புகள் சார்ந்ததும், நாடுகளின் படைகளிடையே நடைபெறும் ஒழுங்கமைந்த வன்முறைகளால் வெளிப்படுவதுமான பிணக்கு ஆகும். உள்நாட்டுப் போர் என்பது, அது ஒரு குறிப்பிட்ட சமூகத்திற்குள் நிலவும் பிணக்கு ஆகும். இது ஆட்சியை மையப்படுத்தி நிகழ்வது. இது கொலை அல்லது இனப் படுகொலை என்றாகிறது. போர் என்பது இன்று நேற்றல்ல வரலாற்றுக்கு முந்தைய காலத்திலேயே தொடங்கிவிட்டது. இனக்குழுக்கள் இடையேயான போரில் தொடங்கி, பல்வேறு கட்டங்களைக் கடந்து இன்று வரை தொடர்கிறது. போரினால், எந்த நாட்டிற்கும் நன்மை உண்டாகாது. மாறாக, இழப்புகள் தான் மிஞ்சும்.;
