ஒரு தேவ ஆண்டு வாழ்வீர்!

எழுத்தாளர் அநுத்தமா சீனிவாசன்;

இன்று தே என்னும் ஒற்றை எழுத்தையும், அதன் தொடர்ச்சியாக தேவ என்ற சொல்லின் வரிசைகளின் அழகினைப் பார்ப்போம். ஒவ்வொரு சொல்லுக்கும் வெவ்வேறு முகமுண்டு. தே என்றால் தெய்வம் தலைவன். தேவம் என்றாலும் தெய்வம் தான். தேவ கணம். தேவர்களின் கூட்டமேயாகும். ஆனால் தேவ கண்ணி என்பது மலை வேம்பைக் குறிக்கும். கிராம்பு வகைக்கு தேவகுமம் என்று பெயர். முருகப் பெருமானின் தேவியருள் ஒருவன் தெய்வயானை. அவள் தேவகுஞ்சரி என அழைக்கப்படுகிறார். திருப்பரங்குன்றக் கோயிலான தேவகோட்டத்துள் அவள் காட்சி தருகிறாள். தேவசேனாபதியான முருகனுடன் திருத்தணி தேவ சன்னதியிலும் நின்று அருள்பாலிக்கிறார். தெய்வ லோகத்தில் இந்திரசபை தேவ சபையாகும். பாற்கடல் கடைந்தபோது சங்கநிதி, பதுமநிதி என இருவகை தெய்வ நிதிகள் வந்தன. அவற்றுள் சங்க நிதி என்பது தேவ சங்கு என அழைக்கப்பட்டது. ;