எஞ்சிநிற்கும் ஒரே கருவி மொழி

அருள்திரு ம.அன்பரசு, சே.ச., இணைப்பேராசிரியர் & முதல்வர் அருள் ஆனந்தர் கல்லூரி (தன்னாட்சி), கருமாத்தூர், மதுரை;

மொழிஞாயிறு என்று போற்றப்படும் தேவநேயப் பாவாணர் தமிழறிஞர், சொல் ஆராய்ச்சி வல்லுநர், பன்மொழி வித்தகர். இவர் சங்கரன்கோவிலையடுத்த பெரும்புதூரில் 1902ஆம் ஆண்டு பிப்ரவரி 7ஆம் நாள் ஞானமுத்து - பரிபூரணம் தம்பதியருக்கு மகனாகப் பிறந்தார். இவருடன் பிறந்தவர்கள் மொத்தம் 10 பேர். அதில் பெண்கள் 6 பேர்; ஆண்கள் 4 பேர். இவர், கடைசியாகப் பிறந்தவர். இவரின் இயற்பெயர் தேவநேசன். தனது ஐந்தாவது வயதில் பெற்றோரை இழந்தார். தமக்கையால் வளர்க்கப்பட்டார். சோழபுரத்தில் கிறிஸ்தவ மிஷனரி பள்ளியில் தொடக்கக் கல்வி பயின்றார். ஆம்பூரில் நடுநிலைப் பள்ளி ஒன்றிலும், சி.எம்.எஸ். உயர்நிலைப் பள்ளியிலும் பயின்றார்.;