பேராசிரியர், கலைமாமணி, முனைவர் கு.ஞானசம்பந்தன்

வணக்கம் தாத்தா.. Have a Hot day... வணக்கம்.. வணக்கம்.. இந்தத் தலைமுறையை புரிஞ்சுக்கவே முடியல. Nice day.. Hot day ஆயிருச்சா. ஆமா காலையிலேயே ஆவி பறக்க என்ன குடிக்கிற? வேறென்ன.. வெந்நீர்தான். அம்மா போடுற காபி மாதிரி டேஸ்ட்டா இருக்கு. அதோட காலையில வெந்நீர் குடிச்சா பிரஷ்ஷா இருக்குமாம். எடையும் குறையுமாமே.. எங்க ஸ்கூலுக்கு பேசவந்த டாக்டர் சொன்னாங்க. வெந்நீர் குடிச்சா நல்லதா தாத்தா. ரொம்ப நல்லது. வெந்நீர் குடிப்பதால் ஏற்படும் பயன்களையும் சொல்லியிருப்பாங்களே? எனக்குத் தெரிந்ததையும் சொல்கிறேன். நீ கண்டதையும் உண்கிறாய்.

என். அண்ணாமலை வாசிப்போர் இயக்கம்.

இந்தியப் பிரதமர் என்றதும் நமது நினைவுக்கு வருவது நேரு, இந்திரா காந்தி, ராஜீவ்காந்தி, வாஜ்பாய், நரேந்திர மோடி பெயர்கள்தான் நம் கண்முன் வந்து செல்லும். ஆனால், இந்த நாட்டின் இரண்டு வெவ்வேறு காலகட்டங்களில் தற்காலிக பிரதமராக பணியாற்றியும், தன் வாழ்நாள் முழுவதையும் ஒரு சாதாரண வாடகை வீட்டிலேயே கழித்த குல்சாரி லால் நந்தாவை பற்றி பெரும்பாலானோர் அறிந்திருக்க வாய்ப்பில்லை. 1898ஆம் ஆண்டு ஜூலை 4ஆம் தேதி, பிரிக்கப்படாத பஞ்சாபின் சியால்கோட் நகரில் பிறந்தார். லாகூர், ஆக்ரா மற்றும் அலகாபாத் போன்ற நகரங்களில் தனது கல்வியை நிறைவு செய்தார். இந்திய விடுதலை போராட்டத்தில் தன்னை முழுமையாக அர்ப்பணித்துக்கொண்டார்.

அருள்நிதி எஸ்.பகவதி மோதிலால்

பேப்பர் படித்துக்கொண்டிருந்த ரவியின் அருகில் வந்தாள் மகள் தீபா, “அப்பா, நாம எல்லோரும் இன்றைக்கு ஹோட்டலில் சாப்பிடப் போறோம். டேபிள் புக் செய்தாச்சு. கொஞ்சம் காஸ்டிலி ஆனாலும் ருசிக்குக் குறைவிருக்காது, மூணு பாயசம், பத்து காய்கறிகள் என தடபுடலாக இருக்கும். பேப்பரிலிருந்து தலையைத் தூக்கிப் பார்த்த ரவி, “எதுக்கு ஹோட்டல் சாப்பாடு? அம்மாவும் நீயும் சேர்ந்து வீட்டிலேயே ஒரு நல்ல விருந்து தயாரிக்கலாமே? அருகில் இருந்த மருமகன் தீபக் சிரித்துக் கொண்டே, “மாமா, அவங்களுக்கும் ஒரு மாற்றம் வேண்டாமா? இன்னைக்கு மதிய சாப்பாட்டை வெளியே முடித்து, அப்படியே ஒரு சினிமாவுக்கும் போயிட்டு வரலாம். டிக்கெட்டும் புக் செய்தாச்சு...”

எம் எஸ் எஸ் மணியன், பொருளாளர், மலையாளம் தமிழ் மற்றும் ஆங்கில எழுத்தாளர்கள் சங்கம், திருவனந்தபுரம்.

தமிழ் இலக்கிய உலகம் பாவேந்தர் என்றால் பாரதிதாசனையும் கவிஞர் என்றால் கண்ணதாசனையும் இசை ஞானி என்றால் இளையராஜாவையும் போற்றுவது போல் மலையாள இலக்கிய உலகில் சுல்தான் என்ற பெயரில் அறியப்படுபவர் வைக்கம் முகமது பஷீர் இவர் ஒரு சிறுகதை எழுத்தாளர் நாவலாசிரியர் மட்டுமல்ல சுதந்திரப் போராட்ட வீரர், பயணி, சிந்தனையாளர் மனிதநேயபற்றாளர் என்ற பல்வேறு பரிணாமங்களை உடையவர் அவரது படைப்புகளில் காணப்படும் எளிமை, நகைச்சுவை, வாழ்க்கை நெறி மற்றும் மனிதநேயம் என்றும் வாசகர்களை ஈர்க்கின்ற ஒன்றாகும். 1908 ஆம் வருடம் ஜனவரி மாதம் 21ஆம் தேதி கோட்டயம் மாவட்டத்தின் தலையோலப்பரம்பு என்ற ஊரில் அப்துல் ரகுமான் - குஞ்சம்மா தம்பதிகளின் தலைமகனாக பிறந்தார்.

பி. விஜயலெட்சுமி கோகுலகிருஷ்ணன், நிறுவனர் மற்றும் பயிற்சியாளர், ஏகம் ஸ்கூல் ஆஃப் யோகா.

“நௌகா” என்ற சமஸ்கிருதச் சொல் “படகு” என்று பொருள்படும். ஆசன இறுதிநிலையில் , உடல் சமநிலையில் நிலைநிறுத்தப்பட்டு, நீரில் மிதந்து செல்லும் படகின் வடிவத்தை ஒத்திருப்பதால் நௌகாசனம் என்று பெயர் பெற்றது. நவீன யோகாசனப் பயிற்சி மரபின் முன்னோடியான திரு. டி. கிருஷ்ணமாச்சாரியார், தனது யோக மகரந்தம் நூலில் நௌகாசனத்தைப் பற்றியும், அதனை மூச்சுடன் ஒருங்கிணைத்துப் பயிற்சி செய்யும் முறையையும் விளக்கியுள்ளார். செய்முறை: 1) ஒரு விரிப்பின் மீது அமர்ந்து, இரு கால்களையும் முன்புறமாக நீட்டி,கைகளை உடலின் பக்கவாட்டில் தரையில் ஊன்றி, முதுகை நேராக வைத்து தண்டாசனம் நிலையில் அமரவும். பின்பு ஆழமாக மற்றும் நிதானமாக சுவாசத்தை உள்ளிழுக்கவும்.(படம்-1)

பரமேஸ்வரி ஆறுமுகம் குழந்தைகள் நலச் செயல்பாட்டாளர்

பாராட்டும், ஊக்கமும் ஒரு மனிதனின் வாழ்க்கையையே எப்படி மாற்றும் என்பதற்கு உலகப் புகழ்பெற்ற விஞ்ஞானி தாமஸ் ஆல்வா எடிசன் வாழ்க்கையில் நடந்த இந்தச் சம்பவம் ஒரு மிகச்சிறந்த உதாரணம். சிறுவயதில் எடிசன் பள்ளியில் படித்துக்கொண்டிருந்தபோது, ஆசிரியர் அவரிடம் ஒரு கடிதத்தைக் கொடுத்து, இதை உன் தாயாரிடம் மட்டுமே கொடு என்று கூறி அனுப்பினார். வீட்டிற்கு வந்த எடிசன் அக்கடிதத்தைத் தன் தாயார் நான்சியிடம் கொடுத்தார். கடிதத்தைப் படித்த தாயாரின் கண்களில் கண்ணீர் துளிர்த்தது. எடிசன் அதில் என்ன எழுதியிருக்கிறது அம்மா? என்று கேட்டார். தாயார் சத்தமாக வாசித்தார்: உங்கள் மகன் மிகக் திறமைசாலி மற்றும் புத்திசாலி. எங்கள் பள்ளி மிகச் சிறியது, அவருக்குக் கற்பிக்கும் அளவுக்குப் போதுமான திறமையான ஆசிரியர்கள் எங்களிடம் இல்லை. எனவே, நீங்களே அவருக்கு வீட்டிலேயே கற்பிக்கலாம்.